Italia Eventi 24
LinguaIT
SA PRIMU BORTA DE JEROME

Jerome K. Jerome fiat unu scridori britànnicu chi at pubricau totu is òperas suas in su sèculu passau e est carculau po essi unu de is umoristas prus fortis e de sucessu de sèmpiri, ca su lìburu suu Tre uomini in barca est unu clàssicu de traballus de custa genia. Sa nova bona pero’ est ca imoi est bessiu in italianu su primu lìburu de issu, Su e giù dal palco, cun d-una tradutzioni autorizada de sa Jerome K. Jerome Society, po sa primu borta. E duncas? Ita nc’apicigat cun nosu? Nc’apicigat meda e no pagu, ca s’editori est sardu, Janus editore de Casteddu, e is chi dd’ant tradùsiu in italianu funt duus piciocus sardus, Domenica Fadda e Simeone Latini.

Seguru ca Simeone est prus connotu po mori de su traballu suu de atori ma est Mimma chi est stètia su motori de custa operatzioni, poita ca est issa chi at fatu sa tesi sua de laurea pròpiu po On The Stage-And Off, e at tentu sa bella pensada. Cumenti si siat, funt sa còpia perfeta po una faina diaci, issu atori, in ingresu puru, e issa maista de ingresu specializada in Jerome, e totu e is duus cumponentis de sa Jerome Society, cumenti at arregordau Tony Grey in sa presentada.

E difatis, s’arresurtada est bona meda, su traballu est de calidadi, pretzisu e finas pibincu candu serbit. Su lìburu contat sa vida de Jerome candu fut circhendi de incumentzai sa carriera cosa sua cumenti a atori, àrtzia e cala de su palcu, connoscendi totu s’umanidadi chi ddui est a ingìriu de su palcu, impresàrius, atoris, registas, traballadoris e spetadoris, unu mari de umanidadi chi, a s’acabada, no est diversa meda de sa chi connosceus oi. Mancai sa manu no siat ancora cudda de Tre uomini in barca, e siat un’òpera de sa giovunesa, si biit giai su talentu prontu a cumpriri de is lìburus chi in medas ant amau e sighint a stimai in totu su mundu.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español