Italia Eventi 24
LinguaIT
SA RATIFICA DE SA CARTA EUROPEA: IN SU BABEL FILM FESTIVAL UN’ATOBIU PRO CAMBIARE SA SORTE DE SAS MINORIAS

ph. Sara Deidda

Su 10 de Nadale, in Casteddu, a intro de su programma de su Babel Film Festival est sistadu ordingiadu unu seminàriu subra de sa Carta Europea de sas Limbas regionales e minoritàrias, unu atòbiu de importu chi at postu in sa matessi mesa totu sos senadores chi ant avantzadu propostas de ratìfica.

Su seminàriu, coordinadu dae Marco Stolfo, at postu in campu totu sas propostas chi s’istadu italianu est ammaniende in contu de tutela e promotzione de sas limbas de minoria. Sos senadores Gianni Marilotti, Tatjana Rojc, Elena Testor ant contadu comente diant a ratificare sa carta e cun cales punnas, finas mirende a su fatu chi a èssere Gianclaudio Bressa a nde dèpere fàghere unu resumu.

A apèrrere e serrare sa dibata est istadu Davyth Hicks, diretore generale de ELEN, European Language Equality Network, chi at postu in evidèntzia comente s’Italia at tentu 28 annos pro ratificare sa Carta, afirmende finas chi no est una cosa de profetu a pensare de fàghere parte de su Consìgiu de Europa sena de nde promòvere in totu sos printzìpios.

E issaras, pròpriu in s’idea chi s’Europa e s’Unione cheret èssere “unida in sa diversidade” est de importu mannu a traballare pro amparare custas diferèntzias, pro lòmpere de a beru a s’Europa de sos pòpulos chi dae cumìntzu totus disìgiant.

In contu de custu, dae sas relatas de sos senadores est pàrsiu chi nche siat pagu voluntade de traballare pro creare una retza de sas minorias capatze de abbaidare prus a illargu de sas làcanas de onni cominidade. S’esigèntzia est cussa de nde bessire dae unu visione monàdica, de cumprèndere ca su tretu de camminu intre de una minoria e s’àtera in custu momentu est prus importante ancora de sas matessi minorias, chi solas non podent bìvere.

Issaras, in fines, su chi est bessidu a campu est ca s’orizonte europeu depet èssere sa prima punna. Dònnia minoria, dònnia comunidade, depet ischire chi solu cumpartzende sa batalla, custas 40 miliones de personas chi si cherent lìberas in sa limbas e in sa cultura issoro, respetadas, podent pensare a unu benidore.

O totus, o nemos.

Custu est su triste destinu de chie gherrat contras a majorias mannas.

Si si cheret forte depet chircare frades e sorres.

In su Babel est istadu afirmadu chi su tempus est lòmpidu.

Como tocat a sa polìtica. Amus a bìere.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español