Italia Eventi 24
LinguaIT
Sa Sardigna in arriscu de torrare in zona groga

Sa Sardigna no est ancoras foras de perìgulu cunforma a s’arriscu de torrare in zona groga, cun totu sos impèigos e sas règulas de cumportamentu chi amus imparadu a connòschere in custos meses passados de pandemia.

 

Intra de is datos chi nos diant pòdere fàghere torrare in colore grogu b’est cussu in contu de is ricòveros. Difatis, in Sardigna sighit a crèschere su nùmeru de is ricòveros pro sa Covid-19 in sos repartos de terapia intensiva, chi in sas ùrtimas 24 oras at tramudadu dae su 13 % a su 14 %, a dolu mannu semper a subra de sa làcana crìtica de su 10 %, mentras nche pigat a su 15 % (+ 1) sa pertzentuale de is malàidos ricoverados in àrea mèiga, lompende a sa làcana crìtica de su 15 %.

 

Custos sunt sos datos frunidos dae Agenas e ponent s’ìsula nostra in arriscu de zona groga cumentzende dae lunis chi benit. Su guvernu, in contu de custu, at a pigare unu determinu in sas dies imbenientes: pro como in Itàlia s’ùnica regione in zona groga est sa Sitzìlia.

 

Ammentamus inoghe cale sunt sas règulas prus de importu e sos impèigos, si acontesset de torrare in zona groga.

 

In zona groga torrat s’òbligu de impreare sa mascheredda fintzas in logu abertu. Mudat, in ismèngua, fintzas sa pertzentuale de ocupatzione de sos postos pro su pùblicu in sos ispetàculos e in sos addòbios de isport. In prus, ismènguat fintzas su nùmeru (bator persones totu su prus, si non bivent paris) de sos chi si podent sètzere impare a mesa in sos ristorantes in logu serradu. Comente si siat, pro intrare a ristorantes e àteros addòbios pùblicos b’est semper s’òbligu de sa tzertificatzione birde, connota cun su nùmene inglesu de “green pass”.

 

In custas dies imbenientes s’ant a cumprèndere mègius sos determinos e sos inditos chi at frunire sa Cabina de regia de Roma.

 

A.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español