Italia Eventi 24
LinguaIT
Sa Sardigna in zona ruja: sas preguntas prus fitianas in contu de sas transiduras

Dae oe, lunis 12 de abrile 2021, sa Sardigna torrat in zona ruja.

Custas sunt sas preguntas prus fitianas chi pertocant sos disponimentos in vigèntzia in sas zonas rujas in contu de sas transiduras. Pigamus a cunsideru sas normas natzionales ebbia.

Fintzas a su 30 de abrile 2021, in zona ruja sunt permìtidas custas transiduras ebbia:

– pro chistiones de traballu, de salude o de apretu (fintzas cara a un’àtera regione o provìntzia autònoma);

– pro torrare a sa residèntzia, domitzìliu o domo, fintzas sa torrada a “sa de duas domos” chi s’agatat a intro de sa regione etotu o foras.

Sas transiduras pro bisitare a amigos o parentes autosufitzientes e, a manera prus generale, totu sas transiduras cara a domos privadas chi non sunt pro chistiones de traballu, de apretu o de salude sunt imbetzes proibidas.

Ma ite cheret nàrrere ‘residèntzia’, ‘domitzìliu’ e ‘domo’?

– Residèntzia. Sa residèntzia, in sa carrera giurìdica, est su logu in ue una persone bivet a fitianu. Sa residèntzia resurtat dae sos registros anagràficos e duncas si connoschet a manera giusta e si podet averiguare in onni momentu.

– Domitzìliu. Su domitzìliu, in sa carrera giurìdica, est su logu in ue una persone at istabilèssidu sa sea prus de importu de sos afàrios e interessos suos. Su domitzìliu podet èssere diferente dae sa residèntzia.

– Domo. Su cuntzetu de ‘domo’ non tenet una definitzione tècnicu-giurìdica cosa sua. Pro dare aplicu a sos disponimentos contras de sa Covid-19, duncas, sa domo est su logu in ue una persone bivet in sa realidade, de sighidu e a manera istàbile (duncas pro simanas de sighidu, mancari curtzas, in su cùrrere de s’annu) o comente si siat fatu fatu o cun una tzerta fitiania (pro esempru, in unas cantas dies de sa chida pro chistiones de traballu, de istùdiu o pro àteras resones).

 

 

SardegnaEventi24.it

1676 eventi pubblicati

479 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español