Italia Eventi 24
LinguaIT
Sa Sardigna torrat in colore de arantzu

A pustis de tres chidas in zona ruja, longas e bastante graes, sa Sardigna intrat in su mese de maju cun nùmeros chi, non solu nos permitint de torrare a intro de is paràmetros de sa zona in colore de arantzu, ma nos donant un’ispera bella de torrare a lestru in colore grogu.

Pro como, però, bisòngiat de ischire bene ite si podet/non si podet fàghere cun su colore de arantzu.

Sas transiduras dae unu comune a s’àteru sunt proibidas – francu pro sos residentes in biddas cun prus pagu de 5.000 abitantes, chi si podent transire a un’àteru comune chi siat a prus pagu de 30 km de tretu – si non pro chistiones de traballu, de salude o de apretu grave.

A intro de su comune in ue si bivet faghet a essire a manera lìbera, fintzas pro fàghere una passigiada o pro bisitare a parentes e amigos (si podet èssere totu a su prus in bator persones non cunviventes, a prus de fìgios prus piticos de 14 annos o persones disàbiles o non autosufitzientes).

Si unu tenet su tzertificadu birde, est prus simpre a si transire: su tzertificadu birde podet èssere o su tzertificadu de vatzinatzione (cun ambas duas sas doses) o su tzertificadu se sanamentu dae sa Covid-19 o su resurtadu negativu de unu tampone fatu in sas ùrtimas 48 oras.

Torrant a abèrrere butegas e tzentros cummertziales (custos, però, ant a abarrare serrados in sas coas de chida), mentras pagu e nudda mudat pro tzilleris e ristorantes, chi ant a pòdere traballare solu dende a foras sa cosa de bufare/papare.

In sas iscolas superiores torrat in presèntzia a su mancus su 70 % de sos istudiantes, ma diat pòdere torrare in presèntzia fintzas su 100 %.

Sas vatzinatzione puru faghent isperare bene.

Difatis, oe in die sa Sardigna tenet iscortas bastantes pro illestrire sa campànnia de vatzinatzione, gràtzias a sos ùrtimos arribos, 62.500 doses, cunsignadas dae s’istrutura de su Cummissàriu. In sas ùrtimas 24 oras su nùmeru de sas vatzinatziones fatas cada die est crèschidu unu pagheddu, lompende a 11.000 e faghende arribare su nùmeru de sos vatzinos fatos a 522.067, est a nàrrere su 77,9% de sas 654.090 doses arribadas.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español