Italia Eventi 24
LinguaIT
Sa situatzione de sas vatzinatziones in Sardigna

A pustis de su chi est acontèssidu in Tàtari in sos locales de Promocamera, aundados pro more de una proidura ispantosa, sa campagna de vatzinatzione in Sardigna paret chi fatzat pees prus lestros cun sas 13.195 doses fatas in sas ùrtimas 24 oras.

S’ìsula gasi respetat su primu obietivu istabilèssidu dae su generale Figliuolo de fàghere 12mìgia doses ònnia die a intro de metade de su mese de abrile, mentras si diat dèpere arribare a nde fàghere 15mìgia a intro de s’agabbu de su mese.

Custos nùmeros e custos resurtados permitint a s’ìsula nostra de nche artziare a su de chimbe postos dae s’ùrtimu in sa classìfica de su Guvernu intra de sas regiones prus virtudosas in su faghimentu de sos vatzinos.

Segundu s’ùrtimu report publicadu in sa pàgina Internet natzionale, sa Sardigna at fatu s’82,8 % de sas 450.710 doses cunsignadas dae s’istrutura de su cummissàriu (372.986 in totu).

A pustis de àere fatu su 100 % de sas vatzinatziones a sos operadores sanitàrios e sòtziu-sanitàrios, no at a istentare a agabbare sa vatzinatzione de sos chi tenent 80 annos o prus (oe 112.338).

Comente si siat s’abetat su calendàriu nou de sas vatzinatziones prevìdidu dae su Pranu, chi previdet in prus sas protzeduras pro permìtere a sos mèigos de famìllia de pigare parte a su protzessu de vatzinatzione, a prus de totu sas protzeduras pro abèrrere sos tzentros de vatzinatzione cuncordados e contivigiados dae sos Comunes.

A sos malàidos “dìligos”, est a nàrrere a cussos chi tenent s’esentzione pro sa maladia, los ant a mutire in deretura dae s’Ats o dae s’istrutura sanitària chi los sighit, pro lis fàghere su vatzinu Pfizer o Moderna.

S’ispera abarrat semper cudda chi sa Sardigna nde potzat essire dae custa situatzione grae de ritardos, pro more de sa mancàntzia de una programmatzione comente si tocat.

Si regordat chi dae oe si podent allistare in su portale dedicadu vaccinocovid.sardegnasalute.it fintzas sos chi tenent 60 annos e prus.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español