Italia Eventi 24
LinguaIT
Sa situatzione de sos vatzinos in Sardigna

Sos sardos ant rispostu cun entusiasmu a sa cramada pro sas Dies abertas dedicadas a sa vatzinatzione.

Mentras in Itàlia sunt agiomai 31 milliones sas doses de vatzinu fatas, in Sardigna lompimus a 788.799, s’85,8 % de sas 918.870 doses cunsignadas dae s’istrutura de su Cummissàriu. Eris ant fatu 9.934 doses, unu de sos valores prus artos chi si sunt bidos in una die comente a su domìnigu e unu pagheddu prus artu cunforma a sa tarea de ònnia die istabilèssida dae su Cummissàriu pro s’emergèntzia (9.663 doses).

Sàbadu, imbetzes, si fiat istabilèssidu unu record regionale nou, cun 23 mìgias doses fatas.

Gràtzias a sas “Dies abertas” de sa coa de chida, chi s’ant a torrare a cuncordare in sas chidas imbenientes cun s’impreu fintzas de su vatzinu Astrazeneca, in s’ìsula nostra sa campànnia de vatzinatzione est andende prus a lestru, cun s’interessamentu fintzas de sos chi tenent 40 annos e chi ant rispostu in medas. Abarrant de vatzinare ancoras una parte pitichedda de antzianos chi tenent prus de 60 annos e chi como los ant a chircare.

In Sardigna oe sas doses fatas – contadas a tenore de su nùmeru de abitantes – lompent a sa pertzentuale de su 48,38%, e de custas su 34,67 % prima dose o monodose, prus de una parte de tres de sa populatzione, mentras su 13,71 % de sos sardos at giai fatu ambas duas sas doses.

SardegnaEventi24.it

1696 eventi pubblicati

502 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español