Italia Eventi 24
LinguaIT
Sa tzitade de Tàtari a costàgiu de sas fèminas chi sufrint de endometriosi

In Tàtari prus de trinta butegas ant pigadu parte a sa campànnia de sensibilizatzione e informatzione in contu de s’endometriosi, permitende a sas duas ativistas giòvanas chi ant domandadu s’agiudu de s’Amministratzione comunale de pònnere in mustra su materiale pro fàghere a connòschere sa maladia, chi in Itàlia interessat a su mancus a tres milliones de fèminas.

Su Comune de Tàtari at imprassadu e patrotzinadu sa faina “Connoschimus s’endometriosi” cuncordada dae Endomarch Team Italy e oe, 27 de martzu, su Palàtziu de Tzitade s’at a tìnghere de una lughe groga, in ocasione de sa Die mundiale de s’endometriosi. Cras, 28 de martzu, cumentzende dae sas 10.00, in sa pàgina Facebook de su Comune de Tàtari s’at a pòdere sighire su cunvegnu cun espertos italianos e istràngios cuncordadu dae su Endomarch Team Italy.

In prus, in custas dies, in sos ufìtzios comunales abertos a su pùblicu ant dadu e si bi podet agatare materiale de informu in contu de sa maladia chi in su mundu interessat a su mancus a 176 milliones de fèminas.

S’endometriosi est una maladia farsa, invalidante, chi agiomai nemos connoschet e chi est intra de sas patologias crònicas prus ispartas, cun una fèmina ònnia deghe in edade de ingendrare chi nde sufrit. Ferit s’identidade feminile in sa carrera individuale, de sas relatas, in cussa sessuale, sotziale e psicològica. Unas cantas tzèllulas de sa mucosa de sa madre ghetant raighinas foras dae sa madre in àteros òrganos comente sas overas, sos canales, sa natura, ma fintzas in s’istintina, in sa bussuca, in su peritoneu e, a bortas, fintzas in sos purmones. Apretadas dae sos ormones de su mese, creschent e bogant sàmbene, ingendrant infiammatziones crònicas, freaduras, pinnicas. Sa reatzione de sa sotziedade in dae in antis de una maladia crònica invalidante de tale manera e chi non si biet portat a sa fèmina chi gherrat contras de s’endometriosi a s’intèndere sola, comente chi sa gente non la cumprendat, e custu diat pòdere ingendrare una forma de depressione grave.

SardegnaEventi24.it

1665 eventi pubblicati

450 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español