Italia Eventi 24
LinguaIT
S’Acadèmia de su tempus: in Casteddu s’ammentu de Dante de Company Blu

Mèrcuris 22 de cabudanni s’Acadèmia de su tempus, su progetu nou pluriennale de s’assòtziu Carovana SMI, sighit cun s’ammentu de Dante in su de setighentos annos dae sa morte.

S’apuntamentu est a sas ses de sero in s’Ortu botànicu de Casteddu in ue Company Blu, cumpangia intra de sas prus annoadoras in su panorama de sa chirca cuntemporànea de s’arte de su baddu, ponet in iscena “Cantu XXIX. Alchimias de su corpus”.

Dae lunis e fintzas a mèrcuris, in su tzentru bibliotecàriu de bia de Falzarego, semper in Casteddu, Company Blu at a fàghere fintzas unu laboratòriu de chirca e una letzione ispetziale intitulada “Tirannia de su presente”, in ue si frunint consìgios e ainas pràticas pro cumprèndere mègius s’impreu de sa boghe e de su movimentu, cun presu e naturalesa.

Ma intra de sas fainas de s’Acadèmia de su tempus non bi sunt sos apuntamentos cun Company Blu ebbia: giòbia 23 e chenàbura 24 de cabudanni, dae sas 11.00, in bia de Dante n. 60, in Casteddu, s’Istatzione de passada de Carovana s’addòbiat cun Millepiani coworking.

S’Acadèmia de su tempus – Osservatòriu de sa cuntemporaneidade proponet un’àndala de chirca transdisciplinare cun s’impreu de trastos de interpretatzione de genia artìstica, filosòfica, econòmica, sientìfica, pro meledare in contu de sos protzessos de mudadura de sos linguàgios e de sas estèticas de sa cuntemporaneidade. In un’iscenàriu globale in ue sa cunditzione pandèmica e de emergèntzia sanitària nos nche istèsiat e nos ìsulat, si torrat a leare a cunsideru su corpus, sa sensorialidade, s’empatia, s’arte cumpartzida dae sa comunidade, su si nde incurare de nois etotu e de de su pùblicu, pro torrare a mòvere, abèrrere sos logos de s’addòbiu e de sa cuncàmbia, torrare a èssere artistas de sa mobilidade, de sa transidura dae su mundu betzu a su mundu nou.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español