Non bi sunt tretos artos meda chi siant artos, prus che totu sunt montrigos chi làcanant su territòriu dae nord-est a sud-est, francu su tretigheddu in pranu chi b’at serente a sa bidda. Su monte ebbia verdaderu est su coròngiu granìticu de Moltinieddu, chi su cùcuru suo, sa Punta Magghiori lompet a 974 metros de artària.
In tempos colados su monte teniat padentes mannos e tìpios, ricos de èlighe, ghinnìpere e longufresu. Ma acabbende s’Otighentos paritzos segadores de linna toscanos aiant ghetadu belle totu sas matas pro nde pigare sa linna e l’impitare pro fàghere mòbiles e arredos. Pro su chi pertocat sos rios, cussu ebbia chi b’at in custos tretos est Riu Santu Diadoru, connotu comente Riu Badualga. Est pro su prus unu trainu, prus che totu sicàrgiu in estiu e ricu de abba in ierru, chi dae pitzu de su monte Moltinieddu curret cara a badde fintzas a lòmpere a s’istàinu de Santu Diadoru.
Si consìgiat de bisitare su riu pro sa bellesa de su paesàgiu suo a indùrriu e pro sos piessinnos naturalìsticos de a beru nodidos. Mancari chi siat difatis curtzu est difatis a su de deghe postos intre sos rios prus mannos de Sardigna e tenet in intro unu muntone de lissa e de ambidda. Fintzas sos istàinos e sas lagunas de cussos chirros sunt de interessu naturalìsticu: dae nord a sud si podet castiare sos istàinos de Cala Ghjlgolu,Lu Stagnittu,Salina Bamba,Cadranzolu,s’Istàinu de l’Isuledda e sa Laguna de Santu Diadoru, chi donant a su paesàgiu una bellesa ispantosa e a tretos sena paragone.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.
