Italia Eventi 24
LinguaIT
Sas crèsias de Tàtari s’allughent in Chida Santa

Ocannu sas tzelebratziones de Chida Santa s’ant a fàghere respetende sos inditos de s’Artzidiòtzesi de Tàtari pro parare fronte a s’emergèntzia epidemiològica de sa Covid-19 e pro amparare su bene de sa comunidade.

Ma fintzas in custa simana de pandemia s’Amministratzione comunale at a proare a ingendrare su clima de sas prufessones allughende a manera simbòlica fintzas a s’11 de abrile sas crèsias dae semper interessadas dae sos ritos: sa Trinidade Santa, Sant’Andria, sa de sas Mòngias Caputzinas, Santu Jacu, Sant’Antoni e sa Sea de Santu Nigola. In Tàtari sos ritos de Chida Santa sunt unu de sos momentos prus de importu de sa devotzione de sa tzitade, devotzione chi s’espressat fintzas cun sas fainas de sas cunfrarias.

Sas cunfrarias de Santa Rughe e de su Gonfalone, de s’Oratzione e Morte, de sos Serbidores de Maria e sas cunfrarias de su Sacramentu Santu e de sos Mistèrios Santos, antigas meda, cuncordant sa chida in antis de Pasca Manna is prufessones peri sas carreras de su tzentru istòricu sonende su tumborru, in in’atmosfera ispantosa.

Pro custa ocasione ant fatu su vìdeu-documentàriu “Sas cunfrarias de Tàtari e sas crèsias issoro”, pensadu e contivigiadu dae sos dischentes de su Litzeu clàssicu (indiritzu europeu) de su Cunvitu Natzionale Canopolenu de Tàtari.

In su vìdeu, chi l’ant a publicare in su canale Youtube Turismu Tàtari, sos istudiantes ant a faeddare de sas crèsias sea de cunfraria, de s’istòria issoro e de is prufessones cun s’agiudu de fotografias tiradas in sos annos passados.

In prus, su 2 de abrile, pro sa Die mundiale de sa Cussèntzia in contu de s’autismu, su Palàtziu Ducale s’at a fàghere in colore biaitu. S’Amministratzione comunale at patrotzinadu e cumpartzidu sa faina de sensibilizatzione cuncordada in tzitade dae s’Angsa Tàtari APS.

SardegnaEventi24.it

1665 eventi pubblicati

450 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español