Italia Eventi 24
LinguaIT
Sas règulas noas de su Lassapassare birde dae s’1 de cabudanni

Sa Tzertificatzione digitale birde at a serbire fintzas in sos trenos, in sos traghetos e in sos aparèchios. S’òbligu de la tènnere l’ant postu fintzas pro su personale de s’iscola e pro intrare a s’universidade.

Abarrant in vigèntzia comente si siat sas règulas apostivigadas in Itàlia dae su 6 de su mese de austu passadu, chi prevident s’òbligu de su Lassapassare birde pro intrare a ristorantes in logu serradu (si unu cheret papare sètzidu a mesa); pro sighire ispetàculos abertos a su pùblicu, addòbios e cumpetitziones isportivas; pro intrare a museos, a àteros istitutos e logos de sa cultura e mustras; pro andare a pischinas, logos pro nadare, palestras, pro fàghere isport de iscuadra, pro intrare a tzentros pro su istare bene, a istruturas de retzimentu, si sunt in logu serradu; pro andare a sagras e festas, cunvegnos e cungressos; pro intrare a tzentros termales, parcos a tema o de ispàssiu; pro intrare a tzentros culturales, a tzentros sotziales e de recreu, si sunt in logu serradu, francu sos tzentros de educatzione pro sa pipiesa, sos tzentros pro s’istadiale e sas fainas de ristoratzione; serbit pro intrare a salas de giogu, salas de iscummissas, salas de bingo e casinò; pro pigare parte a cuncursos pùblicos.

Sa Tzertificatzione birde at a dèpere iscumproare de àere fatu a su mancus una dose de vatzinu o de èssere resurtados negativos a unu tampone molecolare o lestru fatu non in antis de 48 oras o, si nono, de èssere sanados dae sa Covid-19 in sos ses meses de in antis.

Su Lassapassare birde in Itàlia at a tènnere dura de 12 meses. Su Cts difatis at perlongadu de noe meses a un’annu s’iscadèntzia de su Tzertificadu birde pro sa Covid-19.

 

S’òbligu de sa Tzertificatzione birde Covid-19 non lu tenent custas categorias de persones: sos pipios a suta de 12 annos, chi no ant pòdidu fàghere su vatzinu; is persones chi non lu podent fàghere pro chistiones de salude, cunforma a una tzertificatzione mèiga a s’aposta.

 

A.G.

 Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español