Italia Eventi 24
LinguaIT
S’ecuinòtziu de s’atòngiu 2021 at a èssere su 22 de cabudanni

S’ecuinòtziu de atòngiu, chi ocannu at a èssere su 22 de cabudanni, est su momentu de passada intra de s’istadiale e s’atòngiu, a su mancus in sa carrera astronòmica.

In custa die ispetziale de s’ecuinòtziu de atòngiu, chi acontesset semper a primìtzios de sa de tres deghinas de dies de cabudanni, s’emisferu boreale nche passat dae s’istadiale a s’atòngiu, mentras in s’emisferu australe acontesset s’imbesse, sende chi dae s’ierru si tramudat a su beranu.

Ma ite cheret nàrrere “ecuinòtziu”?

“Ecuinòtziu” est unu faeddu chi protzedit dae su latinu e chi cheret nàrrere “note aguale a sa die” pro ite ca, cando arribat custa die, sas oras de lughe e sas oras de iscuriu sunt che a pare, tenent sa matessi dura. Custu acontesset pro ite ca sos rajos de su sole lompent a s’asse de fùrriu de sa Terra a manera perpendiculare.

S’ecuinòtziu acontesset duas bortas a s’annu: una in beranu – cando agabbat s’ierru – e una in atòngiu, cando agabbat s’istadiale. Ocannu s’ecuinòtziu de atòngiu at a èssere su 22 de cabudanni, mèrcuris, a ora de sas 20,21 ora italiana.

Comente si siat, a banda sas ispiegatziones, podimus nàrrere chi s’atòngiu est una istajone ispantosa. Sa Sardigna nostra puru in custu momentu de s’annu oferit una de sas faches prus bellas. S’atòngiu est s’istajone in ue sa natura si mustrat cun sos colores suos prus bellos. Abarramus a buca aberta pro sos colores ispantosos de sa fògia de sos àrbores. Bastat a fàghere una passigiada in unu parcu o in unu padente pro nos nde abbigiare de cantu sa natura siat bella e de bonucoro in custa istajone. Sos colores de atòngiu nos regalant pasu e nos allegrant su coro mancari s’istadiale siat agabbadu.

In prus, faghet praghere ancoras a nos fàghere una caminada bella in logu abertu, ca no faghet fritu meda. Antzis, in s’atòngiu puru diamus pòdere àere sa sorte manna de connòschere carchi coa de chida cun temperaduras agiomai de istadiale.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español