Italia Eventi 24
LinguaIT
Seminàriu in Aristanis: “Corpos chi baddant, corpos chi sonant”
Tzinèsica culturale in sas artes performadoras de su connotu sardu

Sa tzinèsica culturale istùdiat sa manera comente su corpus si movet in sos logos e sos significados sotziales chi custas mòidas espressant. Gestos, poniduras, mòidas e espressadas de su corpus faghent parte de unu “limbàgiu mudu” chi ònnia cristianu imparat in sa cultura sua e chi impreat pro comunicare, a manera cussentziosa o sena de lu chèrrere fàghere, paris cun sas àteras formas de limbàgiu.

Su seminàriu, contivigiadu dae s’etnomusicòlogu Marco Lutzu e dae s’antropòlogu Marcello Marras, cheret iscrucullare, fintzas cun s’agiudu de documentos audiovisivos e fotogràficos publicados e non publicados galu, sos piessignos de sa tzinèsica culturale chi si podent bìere in su mundu de sa mùsica e de sos baddos de su connotu in Sardigna.

Marco Lutzu est chircadore de Etnomusicologia in s’Universidade de is Istùdios de Casteddu, in ue insegnat Etnomusicologia de sa Sardigna e Mùsica e poesia de su connotu orale in Sardigna. At fatu chircas in Sardigna, in Cuba e in Guinea Ecuatoriale, interessende-si de sas relatas intra de mùsica e baddu, poesia a bolu, etno-organologia e etnomusicologia visuale.

Marcello Marras est diretore de su Tzentru pro sos servìtzios culturales UNLA de Aristanis; dae su 2007 a su 2014 est istadu maistru de Etnocoreografia de sa Sardigna e de Laboratòriu e istùdiu de sa mùsica sarda in su cursu de Etnomusicologia de su Cunservatòriu istatale “G.P. da Palestrina” de Casteddu. Dae prus de trinta annos faghet chircas in contu de s’impreu de sa mùsica, de su fàghere mùsica e de su Carrasegare in Sardigna.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español