Italia Eventi 24
LinguaIT
SI CASTEDDU FIAT IN UK

Marco Corda fiat unu piciocheddu chi boliat fai su pilota de aparèchius, a piticheddu. Sa vida perou nci dd’at portau a fai atra cosa, a s’apassionai de fotografia e a fai su svilupadori de software in Casteddu, sa tzitadi sua. Ma sa gana de viagiai e sa gana de scriri, no sceti software, dd’est aturada e oi est unu scriidori de lìburus puru. S’esòrdiu dd’at fatu in d-un’arregorta de contus Cagliari ieri, oggi e forse anche domani, impari a atrus autoris sardus ma est de ocannu su primu lìburu totu de issu, Cagliari, UK (Cenacolo di Ares). Custu est unu contu curiosu, poita ca bolit arrespundi a sa domanda “ma ita fiat sutzèdiu si Casteddu fessit in UK?”.

Gei ddu scieus ca sa stòria no fait a dda fai cun is “si” e cun is “ma”, ddi narat cuddu, ma sa chistioni est ca custu no est unu lìburu de stòria ma unu contu e duncas fait a fai totu su chi boleus. E intzandu su protagonista de custu contu, una bella dii si ndi scidat in d-unu spidali casteddaju o assumancu ddi parit de essi in Casteddu, e est in Casteddu etotu ma is scritas apicadas in su muru funt in ingresu e sa genti chistionant s’ingresu. E duncas it’est sutzèdiu? Sendi ca no podeus scoviai meda meda, fait a nai ca Luca Marini, su personàgiu literàriu chi s’agatat in custa arrialidadi, at a depi trumentai meda e no pagu po nci cumprendi calincuna cosa e arrangiai totu is chistionis.

E in su finali gei no nc’ant a amancai is surpresas, po sighiri a arrexonai a fortza de “si” e de “ma”. Toga meda s’idea de custu contu, e spassiosu puru su giogai cun is possibilidadis chi ti oferit sa stòria, e praxili a torrai a agatai is logus connotus de Casteddu in custa bisura noa britànnica. Ca a s’acabada sa Stòria puru, cudda a lìtera manna, si detzidit po giogus de su fadu, chi no si scit mai cumenti nci dda potzant acabai.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español