Italia Eventi 24
LinguaIT
SILVIA PIRAS CANTAT A PINHEIRO

Silvia Piras at incumentzau a s’apassionai a sa mùsica de sendi pitichedda. At studiau cantu lìricu cun Marcella Macis, agoa in sa Accademia Romana di Musica cun Themis Rocha e jazz in is seminàrius de Nùgoro. Pròpiu po mesu de su jazz est lòmpia a sa bossa nova, gràtzias a Astrid Gilberto, Stan Getz e Tom Jobim, e su fastìgiu est sighiu cun su samba e totu sa mùsica brasiliana. E intzandus posta s’est a studiai su portoghesu e is fueddus de cussa mùsica e su cantu aici etotu, detzidendi de movi a innias po studiai in su logu aundi est nàsciu totu.

In Rio de Janeiro s’est perfetzionada cun Carol Saboya in su Centro Musical Antonio Adolfo, sighendi a imparai de artistas mannas che a Elis Regina, Gal Costa, Clara Nunes e Alcione Dias Nazareth. Apustis de bint’annus de amori e de stùdiu, at detzìdiu de arregistrai unu discu de mùsica brasiliana, dedichendiddu a Paulo César Pinheiro, unu de is autoris cariocas prus mannus, cun doxi cantzoni scioberadas in mesu de is milli chi at cumpostu. Su discu est intitulau Silvia Piras canta Paulo César Pinheiro, e est bessiu cun sa produtzioni artìstica de Roberto Taufic, su missàgiu de Eduardo Taufic e is fotografias stravanadas, de sa cobertina e de su libureddu, de Sara Deidda.

Roberto Taufic in su discu sonat sa ghitarra, sa viola caipira e su cavaquinho, Eduardo su piano, Gabriele Mirabassi su clarinetu, Ramon Gabriel is bongus, Sarbadori Maiore su contrabàsciu e Roberto Rossi sa batèria. Un’omàgiu sintzillu e apassionau, una decrarada de amori po is sonus e is fueddus de sa terra brasiliana, po is poetas suus, fatu cun s’arrespetu chi ddi dexit, sa professionalidadi chi ddi minescit e totu su coru chi una boxi apassionada podit arregalai. E cun totu sa delicadesa chi sceti un’amori de bint’annus podit arregalai a is ascurtadoris.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español