Italia Eventi 24
LinguaIT
S’Iscola tzìvica de mùsica de su Sàrrabus incarrerat sas iscritziones pro su cursu individuale de launeddas

Sas letziones, contivigiadas dae maistru Andrea Pisu, sunt abertas a totus, sena de làcanas de edade.

S’Iscola tzìvica de mùsica de su Sàrrabus incarrerat su cursu individuale de launeddas, contivigiadu dae maistru Andrea Pisu.

S’oferta de formatzione de s’istitutzione chi traballat dae annos meda in su territòriu pro ispàrghere s’istrutzione musicale comente a elementu de formatzione de su gustu estèticu e de agiudu pro sa crèschida culturale, sotziale e intelletuale de sas comunidades in sa Sardigna sud-orientale, at a cuncordare sas letziones in sas chimbe seas de Castiadas, Murera, Santuidu, Biddeputzi e Crabonaxa.

Su cursu at a èssere partzidu in partes diferentes, movende dae s’istùdiu organològicu de s’istrumentu, cun sa punna de imparare a su dischente sa trassa de sa respiratzione de sighidu, e a pustis sa ditegiadura e sa pràtica. S’at a istudiare fintzas su repertòriu de sonos religiosu e cussu de sos baddos de su connotu. Ònnia dischente at a tènnere un’ischeda didàtica cosa sua e sas letziones individuales ant a assegurare un’istùdiu fungudu e personalizadu.

Sas iscritziones a su cursu de sonos de canna de s’Iscola tzìvica de su Sàrrabus sunt abertas a totu sas persones chi si cherent acostiare a custu istrumentu sardu antigu meda, sena de làcanas de edade.

S’Iscola tzìvica de mùsica de su Sàrrabus traballat dae annos meda in sas chimbe seas de Castiadas, Murera, Santuidu, Biddeputzi e Crabonaxa. Sos dischentes podent seberare intra de un’oferta de formatzione isparta meda: bassu, bateria, cantu modernu, chiterra clàssica, chiterra moderna, launeddas, pianoforte clàssicu, pianoforte modernu, violinu, e cursos a cumone de propedèutica e solfègiu.

Su cursu de launeddas oferit s’ocasione pro imparare a sonare un’istrumentu chi, in s’antigòriu de s’ìsula nostra, alligraiat sas oricras de sas populatziones nuraghesas.

SardegnaEventi24.it

1665 eventi pubblicati

450 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español