S’Angione de Sardigna IGP arribat dae berbehes de late, de ratza sarda, allevadas iscapas in stadu bradu o semibradu. S’Angione de Sardigna IGP de Late de pesu intre de 4,5 e 8,5 kg est tenet a nutrimentu su late de sa mamma. Sas àteras duas categorias, Angione de Sardigna Lèbiu – 8,5 e 10 kg - e de Tàlliu – intre de 10 e 13 kg – arribant dae incròcios de berbeghe sarda cun pegos Île de France e Berrichon du cher o de àteras ratzas de petza ispecializadas meda.
Sa zona de produtzione ruet in intro de su territòriu de sa Regione Sardigna. Sos angiones istant cun sas mammas e duncas sunt in patura iscapos a bradu o a semibradu. Petzi in ierru los acorrant in fràigos cobertos. Sos Angiones de sardigna IGP de Late sunt addescados dae sa mamma mentras cussos de genia Lèbiu de de Tàlliu annanghent a s’allatamentu unas cantas essèntzias de pastura naturales e cun proenda frisca o sica. Sos pegos chi serbint a sa produtzione de s’IGP sun cuntrassinnados dae sos allevadores cun marcos a sas origas chi los distinghent in cada momentu dae cussos chi non sunt postos in su sistema de certificatzione IGP. Su masellu de s’IGP lu faghent a banda e, petzi a pustis de cunformidade de sos piessinnos prevìdidos dae su disciplinare de produtzione, su carnitzeri ponet a sa carena un’eticheta ue b’at su marcu consortile e cussu de s’IGP, sa categoria, sa denumenatzione de su tàlliu e s’istabilimentu de masellu.
Tenet massas muscolares de colore rosa craru e cunsistèntzia sòlida, sa napa bianca, tosta e in su pìgiu de foras de sa carena e serente a s’orunzone. Sa petza distinta dae su sabore e su nuscu forte, est modde e sotzosa e s’isfàmigat deretu.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.