Italia Eventi 24
LinguaIT
Su 14 de austu Tàtari cumprit sa promissa a Nostra Sennora

Su 14 de austu Tàtari at a cumprire sa promissa a Nostra Sennora. Pro sa de duas bortas paris at a èssere una tzerimònia diferente dae cussa chi sa tzitade at connotu. At a èssere fintzas sa prima a ue b’at a leare parte su grèmiu de sos Autoferrotranvieris, chi at otentu s’autorizatzione dae sa commissione istòrica e chi est su de dòighi assòtzios autorizados a leare parte a sa Faradda. Su 2021 est s’annu de s’intrada issoro ufitziale cun sa bandera pitichedda, mentras su Candeleri l’ant a pòdere portare in prufessone dae s’editzione imbeniente de sa Faradda.

A merie sos cheros los ant a tramudare dae sos logos in ue ant a fàghere su ritu de sa bestidura fintzas a pratza de Santa Maria, pro sa cumpridura de sa promissa. In su caminu non s’ant a pòdere firmare nen s’at a pòdere baddare cun sos Candeleris, totu custu pro evitare atropèllios de gente e pro minimare s’arriscu de isparghidura de su virus.

In su Palàtziu de tzitade s’at a fàghere su brindu “a zentu anni”.

Sos grèmios, lòmpidos a pratza de Santa Maria, ant a intrare a crèsia a tenore de s’òrdine chi previdet su tzerimoniale. Totu est istudiadu a fine a fine pro evitare atropèllios de gente. A intro de sa crèsia b’at a abarrare una rapresentàntzia ebbia de sos grèmios, mentras sos àteros sòtzios ant a pòdere sighire su chi acontesset a intro gràtzias a un’ischermu mannu cuncordadu in foras. Fintzas sa rapresentàntzia de sas autoridades at a èssere prus pitica.

A pustis de su saludu de su para-castiadore, s’at a fàghere sa pregadoria pro Nostra Sennora e, in fines, su pìscamu at a fàghere sa beneditzione.

 

Sa die de festa at a agabbare in su Palàtziu ducale, a ue sos Massajos ant a acumpangiare a su sìndigu e in ue s’at a fàghere sa cuncàmbia intra de sa bandera de su grèmiu e su gonfalone.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español