Italia Eventi 24
LinguaIT
Su Comune de Alzachena pigat parte a s’assòtziu natzionale “Tzitades de su Binu” 

Su Comune de Alzachena pigat parte a s’assòtziu natzionale “Tzitades de su Binu” e intrat duncas in sa retza de sas cussòrgias italianas a vocatzione forte vitivinìcula. Sa faina cheret apretare s’isvilupu de su setore e de sos produsimentos locales comente a leva pro sa crèschida integrada de totu su setore de su turismu. S’iscritzione l’at aprovada su Consìgiu comunale su 4 de su mese de maju passadu.

Sa Tzitade de su Binu agiudat su setore a 360° fintzas cun sa formatzione de figuras professionales cualificadas, assegurende oportunidades noas de traballu e de crèschida. “Dae parte nostra, amus giai incarreradu su cursu de formatzione pro espertos de pudadura, chi at tentu una resèssida bella. Amus a sighire in custu surcu a costàgiu de s’assòtziu”, narant in Comune.

Custu acòrdiu no amparat sas cantinas mannas ebbia, ma fintzas sos produsimentos familiares chi faghent parte de su connotu de Alzachena e chi naschent dae prus de 50 ètaros de terrenu postu a bìngia. S’assòtziu est capatzu de agiudare sas siendas piticas e a sos giòvanos nostros chi s’incarant a unu mercadu chi amegat de s’ammanniare. In totu sunt prus de 200 sos ètaros postos a bìngia e sa bellesa de 23 sas siendas iscritas in sa Càmera de Cummèrtziu de Tàtari chi traballant in su setore de su coltivu e de su produsimentu, e de custas 5 iscritas in s’Organismu de controllu comente a produsidoras de binu e imbutilliadoras de Vermentinu de Gaddura Docg, Muscadu de Sardigna Doc e Montigros de Limbara IGT.

Intra de sas ainas e sos addòbios cuncordados dae sa Tzitade de su Binu bi sunt “Càlighes de isteddos”, sa “Die europea de s’enoturismu”, “Sa bia de su binu” e sos cuncursos enològicos, ma fintzas sa formatzione pro sos produsidores giòvanos. Cheret ammentada fintzas s’idea de un’enoteca tzitadina in ue pònnere paris totu sas etichetas prodùsidas in Alzachena, pro cussigiare a sos bisitadores e abbiatzare totus impare sas siendas locales.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español