Italia Eventi 24
LinguaIT
Su Comune de Aristanis at deliberadu de pigare parte a su bandu “Tzitade chi leghet 2020” paris cun sos Comunes de Tzeddiani e de Igrèsias

Gràtzias a su bandu bogadu dae su Cepell (Tzentru pro su libru e sa letura) pro sos comunes chi ant otentu sa calìfica de “Tzitade chi leghet” pro sos annos 2020-2021, s’ant a seberare progetos bonos pro los promòvere e agiudare cun unu finantziamentu econòmicu, cun sa punna de criare un’ecosistema locale pro favorèssere sa leghidura.

Sas bibliotecas assotziadas cuncordant semper programmas de letura paris cun iscolas, tzentros de addòbiu e assòtzios, pighende parte a progetos de isparghidura culturale de creze diferente. Sa mesa tècnica de su progetu nou, formadu dae sos referentes e responsàbiles de sos servìtzios de sos tres Comunes interessados, at cuncordadu unu progetu pensende pro su prus, ma no a issos ebbia, a giòvanos e a pitzocheddos, intra de sos prus disorientados dae sos acontèssidos ligados a s’emergèntzia sanitària de su Coronavirus. Sos pitzocheddos e sas pitzocheddas de sa Generatzione Z, chi lis ant dedicadu su progetu, ant sufridu su proibimentu de su presu e de sos disìgios de cussa edade. Cussos pitzocheddos andant a iscola, a sos tzentros de addòbiu, a sas palestras, a sas bibliotecas e a sos logos pùblicos: pro cussu los ant seberados.

Su progetu punnat a afortigare sa retza chi giai s’agatat, fata dae Comunes, bibliotecas e iscolas de I e II gradu, gràtzias a s’imbentu de un’istrategia noa chi pòngiat paris cultura de su libru e partetzipatzione de sos giòvanos, interessende sos tzentros de addòbiu, sas sotziedades isportivas e su Ceas Aristanis, chi contivìgiant totus polìticas pro sos giovanos. Is fainas prevìdidas sunt ligadas a su bene “letura” e a sa pràtica sua cuscientziosa, paris cun su tema de sa sustenibilade ambientale e de su respetu de s’ecosistema.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español