Italia Eventi 24
LinguaIT
SU GRODDE DE NANNI FALCONI

Custu est su primu lìburu de poesia de Nanni Falconi ma no est su primu lìburu de Nanni in sardu. S’autori patadesu at giai pubricau tres lìburus po sa Condaghes, Coro de iscurigore, furriau in sardu de Heart of Darkness de Conrad, Su cuadorzu e Sa gianna tancada, contus longus scritus in d-una fueddada ermosa e eleganti. De issu est su primu romanzu in sardu tradùsiu in deretura in tedescu, gràtzias a su traballu de Alexandra Porcu de Berlinu, Der fluch von Orioli. Custa arregorta de poesias est bessia po Is Cruculeus, sa setzioni de sa poesia de s’editori Nor, de ‘Ilartzi, ghiada de Andria Garau. Falconi est unu poeta schetu e onestu, chi movit de sa vida sua de dònnia dii po contai s’universali, scienti de cuddu maistu chi naràt ca a contai su locali bessis universali, chi bolis stroci sa metròpoli bessis provinciali, o biddùnculu po ddu nai a sa sarda.

In sa vida sua in su sartu no nc’amancant is animalis, chi no funt sceti cumpàngius de s’òmini in su traballu e in su spàssiu, ma finas metàforas de sa vida etotu, cun is imparus insoru, cumenti s’ant contau is scridoris mannus de s’antighidadi. Fueddus chi ndi benint de is intrànnias de sa terra, cun fortza e sentidu, cun d-una lìngua acutza e funguda. S’abisòngiu de contai sa vida e s’amori est un’abisòngiu de s’òmini, a su poeta e a chini si dda intendit, ddi spetat sa gana e su garbu de provai a dda scriri, a is atrus su prexeri de dda ligi e de dda cumpartziri. Custu apretu poèticu est bèciu cantu est bèciu s’òmini e no at a spaciai mai, ma sa fueddada sarda tenit spàciu.

Dolit a ddu nai, ma chi no seus nosu sardus a si ndi interessai e a dda scriri e a dda chistionai, nemus dd’at a fai po nosu. A dda scriri de manera galana e profetosa est faina de poetas ca “Onni note un’òmine si corcat cun sos ammentos suos.”

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español