Italia Eventi 24
LinguaIT
Su mele sardu: calidade e benefìtzios pretziados

Su mele sardu est unu mele ùnicu a beru pro cosas meda. Si nd’agatat de calidades diferentes e custu est su resurtadu naturale de sa richesa manna de àrbores e erbas chi piessignant su territòriu. Sos prus comunes e fintzas cussos prus connotos sunt: su mele milli-frores, su mele de acàssia, su mele de archemissa, su mele de lidone, su mele de iscrareu, su mele de bardu, su mele de eucalitu. Si nde diat pòdere numenare e ammentare medas a beru.

Faeddamus, in s’interis, de cussu prus connotu: su mele milli-frores, su mele ischietu de su matedu mediterràneu, prodùsidu gràtzias a sos frores de sas matas chi naschent dae sese prus ispartas in s’ìsula, comente a su castangiàrgiu, s’iscrareu, su bardu e su tzìpiri. Su sabore suo mudat gasi comente mudat s’istasione de produsidura e sas prantas dae in ue sas abes regollent su sùciu durche. Acò unas cantas propiedades suas: contenutu artu de minerales e antiossidantes, agiudu mannu contras de s’influèntzia e pro illebiare su tùssiu. Su mele milli-frores est utilosu fintzas ca apretat sas istentinas e s’aparitzu digerente, e est fintzas un’antibatèricu bonu.

Unu de sos meles sardos prus nòdidos, su mele de bardu tenet unu sabore particulare pragherosu de frores. Cun su podere mannu chi tenet de indurcare, est ricu de vitaminas e minerales e lu cunsìderant un’agiudu pro s’aparitzu digerente e cardiutzirculatòriu: difatis agiudat a digerire a pustis de àere mandigadu e est connotu pro su profetu suo pro sa  tzirculatzione de su sàmbene.

S’agatat fintzas unu mele rànchidu, a l’ischiais? Est su mele de lidone, de colore oscuru. Custa calidade est una de sas prus raras e pretziadas e est sa prus rica de antiossidantes. Su mele de lidone diat pòdere megiorare sos livellos de ferritina sièrica,  proteina chi garantit sas riservas de ferru de s’organismu, e isbòligat efetos profetosos pro su sistema immunitàriu nostru.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español