Italia Eventi 24
LinguaIT
Su Tzìrculu de Aristanis campione regionale de bridge

Su Tzìrculu bridge Aristanis de sa SOMS, cun s’iscuadra formada dae Annalisa Murgia, Giorgio Passiu, Roberto Poni, Giuseppe Scanu, Filippo Uras e Oliviero Uras, at bintu sos campionados regionales a iscuadras lìberas open de bridge.

Giogados pro sa prima borta in lìnia pro more de s’emergèntzia sanitària de su Coronavirus, a sos campionados regionales de bridge b’ant leadu parte 14 iscuadras in rapresentàntzia de 8 sotziedades de totu s’ìsula.

Sos ses giogadores aristanesos est sa prima borta chi binchent su tìtulu regionale. Unu sutzessu mannu chi nemos s’isetaiat cussu de sa formatzione aristanesa, ma chi si lu meressiat sende chi at ghiadu sa classìfica agiomai pro totu sa gara. A s’agabbu de unu girone a s’italiana e de 13 garas, s’iscuadra de Murgia nch’est pigada cun meressimentu mannu a s’iscaleri prus artu de su palcu.

Tìtulu regionale feminile chi at respetadu su pronòsticu, imbetzes, pro s’iscuadra Garavaglia de s’Ichnos Casteddu. In sa classìfica generale s’iscuadra Murgia est arribada in antis de s’iscuadra Garavaglia e, a pustis, sunt arribados su Tzìrculu Bridge Tàtari cun s’iscuadra Fiori e su Tzìrculu Bridge Casteddu cun s’iscuadra Mattana.

Intra de sas fèminas, su de duos postos est tocadu a s’iscuadra Uda (Aristanis) e su de tres a sa cambarada Saddi (Cuartu Sant’Aleni).

Archiviados sos campionados regionales, sas iscuadras binchidoras abbàidant como a sos campionados natzionales chi, pro more de sa pandemia, non los ant galu programmados ma chi, sende chi a bellu a bellu totu sas fainas sunt torrende a comintzare, si diant dèpere fàghere a manera regulare.

In s’interis, in sas chidas imbenientes b’at a àere àteros torneos giogados a tretu. Si s’isparghidura de su virus e sas règulas pro la firmare l’ant a permìtere, s’atividade in presèntzia diat dèpere torrare a comintzare in su mese de cabudanni cun torneos e cursos pro sos dischentes.

SardegnaEventi24.it

1696 eventi pubblicati

502 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español