Italia Eventi 24
LinguaIT
Tziu Antoni Cuccu: s’omine chi at sarbau sa poesia sarda

Su 16 de capidanni depiat lompere chent’annos. Fiat naschiu in San Vito su 16 de capidanni de su 1921, Tziu Antoni, comente lu mutiant totus, si nariat Antoni Cuccu, e est istau s’unicu editore e bendidore de libros de canzones sardas. In cada festa lu podiades acatare cun su banchitu suo prenu de libros e de poesia. A sas festas andaiat cun una Binchina prima e cun una Fiat Panda dopo e totu sa zente lu conoschiat.

A su traballu suo, naschiu de s’amore po sa poesia sarda, depimos meda, ca si non idi istettiu de issu, medas operas si fiant perdias in sa memoria de sa zente. Su chi at fatu non tenet pretziu.

Po unu pagu de tempus at bividu fintzas in Nebida, in sos primos annos de sos annos Chimbanta e at triballau comente minadore, ma non est mai benniu mancu a s’impinnu de dedicare tempus a sa poesia e a sa literadura sarda.

Oe su fizu e ateros amigos cherent amentare cust’ommine cun una mustra.

Pesso chi si meritede non solu de essere amentau dae chie l’at conotu, ma fintzas de essere connottu de sos zovanos de oe, ca sa colada sua in custa terra siat de esempiu po totus.

Deo matessi, a pitzinna minore, l’apo conotu fronte a s’arcu po intrare a su santuariu de Santu Cantinu in Sedilo sa die de s’ardia. Cussu bortadie babbu m’ait comporau su primu libru de Peppinu Mereu, unu libru chi at sinnau totu sa vida mia e chi mai apo a irmentigare.

 

Viles ch’ant meritadu sa cadena

 
Sa giustissia puru hana  trampadu

 
Gai s’ant infrancadu d’ogni pena

 
 

 
Mentre chi unu poveru appretadu

 
Furat pro s’appittitu unu cogone

 
Lu ides arrestadu e cundannadu

 
 

 
Su famidu chi furat un’anzone

 
est cundannadu dae sos giurados

 
fin’a degh’annos de reclusione

 
 

 
E narrer chi b’at palattos fraigados

 
dae sa man’infame e sa rapina

 
sos meres ladros sunt pius amados…

 

M.B.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español