Italia Eventi 24
LinguaIT
Ùrtimas dies pro s’iscrìere a sos laboratòrios culturales in limba sarda e in tataresu

Ùrtimas dies pro s’iscrìere a sos laboratòrios culturales in limba sarda e in tataresu cuncordados dae su Comune de Tàtari. S’iscritzione est lìbera e gratis, aberta a totu sos tzitadinos. Sos interessados podent seberare intra de su Laboratòriu pro criare vìdeos promotzionales in limba sarda (Terra de Punt S.r.l.), su Laboratòriu teatrale “Sas passiones de Trespeones”(APS BobòScianèl), su Laboratòriu “Abbà! – Sos giogos de su connotu de Sardigna comente a aina pro connòschere sa limba sua” (ENDAS Comitadu Regionale Sardigna) e su laboratòriu “Erbas naturales de Sardigna e coghina, su sardu a mesa!” (ASD Eventi Duemila). Totu sas ischedas de sos laboratòrios s’agatant publicadas in sa pàgina www.comune.sassari.it.

Faghet a s’iscrìere a prus de unu laboratòriu. Si no at a fàghere a cuncordare sos laboratòrios in presèntzia, pro more de is règulas pro firmare s’isparghidura de su Coronavirus, s’ant a fàghere a tretu, cun s’impreu de tecnologias informàticas e multimediales. Sos laboratòrios ant a cumentzare in su mese de maju.

Sas domandas de iscritzione ant a dèpere lòmpere a su Setore Polìticas culturales e Gestione de su patrimòniu immobiliare de su Comune de Tàtari, cun s’impreu de sa modulìstica publicada in sa pàgina Internet de su Comune, cunsignadas a manu o mandadas cun sa e-mail a s’indiritzu protocollo@pec.comune.sassari.it, a intro de lunis 3 de maju, ponende in s’ogetu “Iscritzione a sos laboratòrios in limba sarda”. Sas domandas de sos minorennes las ant a dèpere firmare sa mamma o su babbu o su tutore legale.

Pro informos faghet a tzerriare su Servìtziu Cultura e Marketing turìsticu faghende su nùmeru 079 279970 – 279958 o mandende un’e-mail a s’indiritzu cultura@comune.sassari.it, dae su lunis a sa chenàbura, dae sas 10:30 a sas 13:30, e su martis e sa giòbia dae sas 15,30 a sas 17:30.

Sos cursos sunt finantziados dae sa Regione Sardigna, a intro de su programma pro s’amparu, su promovimentu e s’avaloramentu de sas limbas de minoria faeddadas in Sardigna.

SardegnaEventi24.it

1676 eventi pubblicati

479 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español