Italia Eventi 24
LinguaIT
Cuntzertu de Pasca de Nadale itinerante “Ìsulas cromàticas”: Sitzìlia e Sardigna

Su tempus de sas Novenas est unu de sos momentos prus artos e sentidos de su calendàriu cultuale e litùrgicu de sa traditzione populare cristiana. In tzitades e biddas meda de Itàlia est galu rispetadu e cadentzadu non solu in intro de sas crèsias, ma fintzas peri sas bias e in sas domos de sa gente, chi aberit sas giannas suas a sos cantadores, a sos sonadores e a sa comunidade de su cuartieri pro onorare su presèpiu o sos altares de arantzu, murta e lavru in intro de in ue b’est s’istàtua de Gesùs Bambinu.

Sa connoschèntzia e s’amparu de una traditzione chi in Itàlia pro su prus est isparèssida, ma chi abarrat iscumproada in sos ammentos e in sos contos de sa gente manna, rapresentant su contributu chi Su Tzentru Sitzilianu de Cultura Populare “I Caminanti” e s’assòtziu culturale “Symponia” cherent dare, balèndesi de su cunfrontu intre sas mùsicas populares de orìgine diversa. In contu de custu sa Sardigna si mustrat comente unu logu chi cumpartzit cun sa Sitzìlia sa voluntade de mantènnere, in su movimentu costante de cambiamentu, una mùsica chi sas raighinas suas si perdent in su tempus. Sas duas ìsulas allogant intreu in sos sèculos su bisòngiu de espressare s’ispiritualidade issoro, espressada in sas identidades meda chi ingendrant sas culturas de sos pòpulos, faeddende s’una cun s’àtera de s’ispinta universale de s’esistèntzia, in sas terras inghiriadas dae su mare.

S’itineràriu est pensadu in sa forma de sa novena de su connotu, de fàghere peri sas bias, cun sos istrumentos de sa traditzione populare de sas duas ìsulas, comente tamburos a cornitze, launeddas, sulitos, marranzanos o trunfas, triàngulos e tamburos, in sas iscolas, in sas crèsias e in sas domos de sa gente chi cheret cumpartzire su presèpiu suo, s’àrbore sua, sos ritratos sagrados suos cun sa comunidade de cuartieri e cun sos bisitadores, faghende-lu pùblicu pro una die.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español