Italia Eventi 24
LinguaIT
Est una notte

“Est una notte ‘e luna” est una de sas poesias de “Cantigos d”Ennargentu” de Antiogu Casula (Montanaru). Iscrita in su 1922, non timet a la paragonare chin poesias in limba italiana (e no solu) iscritas dae poetas prus famados. A lu narrere paret zudìssiu de parte, bastantes: Pierpaolo Pasolini, galu zovaneddu, si nde fiat ispantau de sa bellesa de cussos versos. Tant’est chi la citaiat in “Antologia di poesia dialettale” de su 1952.

Po la narrere zusta, Pasolini est unu de sos primos (continentales) chi ponet puntillu a s’istùdiu de sa poesia sarda (e peri de sa “poesia dialettale” italiana). E puru, mancat de cumprendere sa forza e sa particularidade de sa poesia nostra e de sa Limba. Prima de totu no la mutit “lingua” ma la mutit “dialetto”, e custu errore (chi peri carchi sardu, galu oe, sighit a fàghere) disvàlutat non solu su modu de sa poesia ma peri su chi tratat. Tantu est chi iscriet Pasolini: “[…] i poeti, confinati in solitudini paesane, esasperano il naturale affetto per la terra che li ha visti nascere, […] nazione solo linguisticamente, ridotta a consolarsi con un’epica della miseria, dell’abbandono, del lavoro”. Ispantat chi unu commente Pasolini non arribbet a cumprèndere e istimare cussu chi est sa poesia in Sardinna: s’ùnicu modu da chi potzat faeddare s’ànima. E s’ànima at paragulas chi contat su chi vìet. E po meda tempus s’ànima sarda at bidu misèria, disbandonu, amargura. Si Pasolini esseret letu Peppinu Mereu, Murenu, Soru (e ateros chentu), e los esseret letos in Limba, si fiat torrau a pessare. Aìat gustau otavas durches che mele o tertzinas rànchidas de tristesa o mutos de risu o de irghenzu. Bastat goi. A nois non restant sas notes de luna. Una luna de atonzu giara, chi a la ‘ider’andare, isperamos torra in sa fortuna.

M.B.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español