Su contu de un’esperièntzia chi torrat a nudda unu precuntzetu passende.bi subra. Su tenente Giùliu Bechi partètzipat a sa catza russa contra a sos bandidos sardos, figuras de fama mala e giai mitològicas chi istant in una terra aspra, dura, pura e chi respinghet. Su protagonista est su trasferimentu beru de sa risposta sabàuda a su tema de sa chistione
meridionale e de sos bandidos: ischina dereta, dudas nudda, sensu de su dovere, volontade de serbire s’Istadu. A primìtzios, a penas isbarcadu in s'ìsula, issu bivet cunfortadu dae sos cumbinchimentos suos de defensore de s'òrdine e si movet cun sa fortza de sas diretivas de su tzentralismu coloniale chi detèrminat sa divisa chi portat. Non s’ispiegat su pro ite de unu pòpulu chi “faghet sas partes” a manera crara a sos criminales, su pro ite de unu refudu dae parte de sos livellos intermèdios de s'amministratzione de si nche pònnere in mesu in una catza chi a parre suo est legìtima ca est frutu de unu sèberu de s’Istadu. Ma sa Sardigna no est duresa ebbia, gelosia, silèntzios e solitùdine; sa boghe chi contat iscoberit a bellu a bellu chi su pòpulu chi s’agatat in dae in antis est fìgiu de millènnios de defensa disisperada de s’èssere suo matessi, iscoberit chi su sardu est parte de fundamentu de cussa natura gasi dura e agreste chi non podet connòschere àteros caminos: o si òdiat o a pagu a pagu si nde faghet parte giai pro maia e, prus che totu, a non nde pòdere fàghere a mancu prus. Mancari su tenente Bechi no at a cambiare mai sas ideas suas de òmine de armas monàrchicu cumbintu, issu in totu su contu s’at a acostare a un’idea diversa de ispetzialidade chi mustrat sa terra sarda: non prus comente raridade istonada de relatzionare a su fundu de sas detzisiones superiores, ma prus a prestu comente espressada de unitzidade: de cumprèndere e rispetare.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.