Sa zona a inghìriu de S'Alighera est nòdida meda fintzas pro sa presèntzia de unos cantos logos archeològicos. In sa bia chi dae s'Alighera andat a Porto Conte, difatis, faghet a bisitare su nuraghe mannu de Palmavera, chi s'agatat a pees de su montigru chi tenet su matessi nùmene.
Su nuraghe est inghiriadu dae una biddighedda nuraghesa de su de XIII sèculos i.a.d.G. e fintzas a oe lu cunsìderant comente a unu de is fràigos antigos prus de importu de totu s'ìsula. Sa parte prus antiga est formada dae una turre dòpia in pedra de rena, una cortiledda a intro e una sutea de sighidu. In unu momentu a pustis, su fràigu l'ant acontzadu e afortiadu cun pedra de carchina. Bi sunt duos passaditzos: unu portat a intro de su fràigu, mentras s'àteru portat in deretura a sa cortiledda ispantosa, in ue b'est fintzas s'intrada a sa turre manna. Su chi abarrat de is muros suos mustrat sa sala de is addòbios, manna, de 12 metros de diàmetru, in ue b'est sa cadrea de su
consigieri, sa trona pitichedda de su capu-tribù e una vasca retangulare pro s'abba sagrada.
Oe, sas ruinas archeològicas iscobertas in sos iscavos de su 1960 s'agatant in sos museos de Tàtari e de Casteddu e sunt una testimonia de s'impreu de su fràigu dae parte de sas tzivilidades chi si sunt isvilupadas a pustis, fintzas a su de VII sèculos i.a.d.G. Un'àteru logu archeològicu de importu est sa necròpoli de Ànghelu Ruju, chi s'agatat acanta de sa bia chi portat a Tàtari e a Portu Turre. Su nùmene de su logu ammentat a manera crara su nùmene de unu mere antigu de cussas terras.
Iscobertu a primìtzios de su 1900 cando fiant faghende traballos de bonìfica, in custu logu nuraghesu b'at unu muntone de domus de janas, est a nàrrere tumbas particulares fraigadas a intro de sa roca e de perdas mannas.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.
